3 март 2010 година, Скопје, Македонија (СМК) - Македонците го ценат стратешкото партнерство со Соединетите Американски Држави, но очекуваат американската администрација да остане доследна на одлуката од 4 ноември 2004 година за меѓународно и трајно признавање на Македонија под нејзиното име! Светскиот Македонски Конгрес од американскиот амбасадор Филип Рикер бара да престане со притисоците врз власта и јавноста за промена на државното име Македонија и очекува да се придржува на акредитивите, бидејќи барањето за промена на државното име претставува геноцид врз Македонскиот народ и злосторство против човештвото. Прашањето за државното име Македонија трајно е затворено и тука нема место ниту
за храброст уште помалку за лидерство, и не бара сериозност бидејќи е повеќе од непристојно. Власта и опозицијата немаат мандат за велепредавство и автогеноцид врз сопствениот народ, а Македонците се за пристапување на Македонија во сојуз со Европската Унија и НАТО, но доколку наци-фашистичкото барање за промена на државното име, антимакедонзимот на Грција и геноцидот врз Македонскиот народ се вредност за солидарност на Брисел и Стразбур со Атина, се отфрла членството на Македонија во овие сојузи на држави!
Барањето за промена на државното име Македонија го дестабилизира регионот и Брисел и Стразбур треба да бидат свесни за последиците од тоа. Нивна е одговорноста да стават крај на грчкиот расизам и ја дисциплинираат во однесувањето!
