18 април 2010 година, Скопје, Македонија (СМК) - Државното име на северниот сосед на Грција е дискреционо право на Македонците, а не ексклузивно право на Атина. Грчката окупација на Македонија и геноцидот врз македонскиот народ од Балканските војни 1912-1913 година и Граѓанската војна во Грција 1946-1949 година, не им дава никакво право на Грците на расистичкото барање за промена на државното име Македонија, туку им создава обврска за извинување со цел македонско-грчко помирување и траен мир и добрососедство меѓу Македонија и Грција.

16 април 2010 година, Скопје, Македонија (СМК) - Светскиот Македонски Конгрес ја почитува еднаквоста на граѓаните пред Уставот и законите како основа за антидискриминација и очекува ефективна заштита на човековите и граѓанските права и слободи, и на традиционалните вредности на семејството и бракот како заедница на мажот и жената. Меѓутоа, неприфатлива е пародијата од полемика за сексуалните права во услови на дискриминација на елементарното и неотуѓивото право на самоопределување и самоидентификација на Македонците во Европа и отсуството на елементарно чувство кај дел од пратениците и медиумите за единство во одбраната на државното име Македонија и македонската национална чест и достоинство. 

14 април 2010 година, Скопје, Македонија, ( <Link: http://www.posmatrac.com/2010/03/200000.html> http://www.posmatrac.com/2010/03/200000.html) - Светскиот Македонски Конгрес (СМК) со гнасење ги отфрла историските невистини за Македонија и Македонците на заменик претседателот на Форумот на младите на Демократската партија на Србите во Македонија, Бојан Аврамовиќ, во интервјуто за интернет часописот „Србски посматрач“ од 2 март годинава. Ова не претставува сатанизација на братскиот српски народ, но СМК апелира до Демократската партија на Србите во Македонија, во духот на коегзистенцијата и толеранцијата во Македонија, да се огради од овој говор на омраза и шовинизам и да елиминира идни слични обиди.

13 април 2010 година, Скопје, Македонија - Светскиот Македонски Конгрес како неосновани ги отфрла грчките забелешки на одлуката Македонија да претседава со Советот на Европа под името „Македонско претседателство 2010“.

Државното име Македонија не е избор на Атина туку неотуѓиво право на македонскиот народ. Прашањето за државното име Македонија е затворено со референдумот од 8 септември 1991 година кога македонскиот народ и граѓаните во апсолутно мнозинство гласаа за „самостојна и суверена држава Македонија“ без додавки и придавки. Одлуката на референдумот е задолжителна!

Како што обично се случува, при случајно пребарување на тукушто стартуван проект на светска дигитална библиотека поддржана од УНЕСКО наидов на податоци интересни за нас Македонците. Најпрвин во сликите за Македонија дадена е Етнографска карта на Балканскиот полуостров со висок квалитет изработена од српски географ Јован Цвијиќ објавена 1918 година. Картата се однесува на предвоената етнографска распределба на населението на Балканскиот полуостров од 1906-1914 година. Во легендата на картата може јасно да се види разграничување меѓу Македонците од Србите, Бугарите и другите етникуми. При тоа етнографската позиција на Македонците е нешто понајуг од она каде сме сега.