30 јуни 2010 година, Скопје, Македонија (СМК) - Светскиот Македонски Конгрес (СМК) со индигнација ја отфрла пародијата која бугарската фашистичка партија АТАКА ја приредува пред Европа: именувањето на одродникот Спаска Митрова од страна на европратеникот Димитар Стојанов за „советник за македонски прашања“ во Брисел?!
Злоупотребата на еден семеен проблем во Македонија за политички цели од најниски побуди со фашистички предзнак, доволно зборува до кое дереџе се доведени „Бугарите“ во Бугарија и во кој безизлез плови Софија. 

30 јуни 2010 година, Софија, Бугарија (СМК) - Прашањето не е дали Македонците во Македонија се Бугари, туку има ли Бугарин во Бугарија без македонски корени? Тоа што во Бугарија има сé само Бугари  не, не е вина на Македонија, туку на историската заблуда на Софија заради туѓи и други интереси. Оттука смешни се барањата на Софија за потрага по Бугари во Албанија и  Косово кои ги нема, но укажуваат на романтизмот во кој одредени ретроградни сили се уште живеат потхранувајќи се со санстефанските илузии за „Голема Бугарија“. 

Проблемот во Бугарија не се Македонците во Македонија и Албанија, туку емиграцијата од 2.000.000 претежно млади и образовани по укинувањето на визите за Европската Унија, стареењето на нацијата и фактот дека Ромите и Турците полека но сигурно стануваат мнозинство во земјата.

29 јуни 2010 година, Скопје, македонија (СМК) - Прашањето за враќањето на граѓанските, имотните и наследните права на насилно прогонетите Македонци од Егејскиот дел на Македонија од Балканските војни 1912-1913 година и од Граѓанската војна во Грција 1946-1949 година е пресериозно прашање, за да се импровизира и злоупотребува за лична афирмација на поединци, што штети на процедурата која се води во  координација на Координативното тело за егејското прашање при Владата во кое партиципираат здруженијата на Македонците од Егејот обединети во МАКЕДОН.

29 јуни 2010 година, Скопје, македонија (СМК) - Светскиот Македонски Конгрес го осудува самовластието на градоначалникот на Струга Рамиз Мерко и од Владата на Република Македонија бара итни мерки на забрана за воведување на албанскиот како наставен јазик и издавањето на свидетелства на албански јазик за учениците Македонци во основното училиште „Гоце Делчев“ во  Подгорци. 

Исламската вероисповед на Македонците во Подгорци не може да претставува основа за административна промена на етничката припадност на Македонците во Подгорци во Албанци.

29 јуни 2010 година, Солун, Грција (СМК) - На изјавата на Ѓорѓи Доневски, секретар на Здружението на децата бегалци од Егејскиот дел на Македонија, дека ВИНОЖИТО ќе асистира во постапките за враќање на државјанствата и имотите на протераните Македонци од Егејскиот дел на Македонија пред грчките власти, политичката партија на Македонците во Грција, ВИНОЖИТО упати остар  демант. 

ВИНОЖИТО наведува дека за враќањето на државјанствата и имотите на насилно прогонетите од 1948 година постои комисија при Министерството за надворешни работи на Македонија и најголема грешка ќе биде ако секој индивидуално се обраќа до грчките власти за каков и да е документ за одземените државјанства и имоти, што е неможно без правна помош и надвор од постапките што ќе ги води комисијата при МНР на Македонија и експертите  упатени во грчкото законодавство и процедурите пред Европскиот суд за човекови права.